ياشمس للناس، ونعشك شالته الملائك

   

:. قصيدتا رثاء لروح الفقيد الراحل العلاّمة المجاهد السيد محمد رضا الشيرازي رحمه الله وأسكنه فسيح

جنّاته من خادم أهل البيت عليهم السلام عبد الحسين رشيد عنبر العيساوي

ياشمس للناس
يامحمد اويه الزچيه موتتك
إنته ابنهه أو موعجب لورادتك
ياشمس للناس ما الهه مغيب
حيف إجت ليك المنيه أوأخذتك
إنته موبس عالم أو ننهي الخطاب
عالم ... أو عامل ... مجاهد عرفتك
كلهه تتطلع إلك من يسمعون
إبلهفه كلهه تريد تسمع چلمتك
نعشك الشالته كل هاي الجموع
بيهه خلت دينهه وبيه شالتك
متت بأرض ايران بس الله يريد
يم أبو السجاد تصبح دفنتك
ـ ـ ـ ـ ـ ـ ـ ـ ـ ـ ـ ـ ـ ـ

نعشك شالته الأملاك
روح امْوَدّع ابْألله               أو أهل بيت النبي وياك
ابلحدك لوردت تنزل               ندري العترة تتلگاك
نعشك احنه ماشلناه               نعشك شالته الأملاك
ياناصر أصول الدين               وامرفرف علينه لواك
للحگ بيك اجت وادم               الماچانت تجي لولاك
عالِم أمّته انته               أوشبيه الأنبيه خلاك
چيه انته رفعت الحگ               اعتله بيك وإلك علاّك
مدادك أفضل من الدم               وأفضل كل خصال انطاك
(محمد رضا) اتظل انته               كل جيل اليجي يهواك
ابسجل نور انتكب اسمك               بشراك أو ألف بشراك